بالفيديو شريف مدكور يوضح حقيقة علاجه على نفقة الدولة

كتب- أحمد كُريّم:

نشر الإعلامي شريف مدكور، اليوم، فيديو عبر صفحته الرسمية على موقع "فيسبوك"، وجه به رسالة، لسيدة قال إنها دونت منشورًا تدعو له بالشفاء.
وبدأ شريف مدكور، الفيديو بقوله: "كل سنة وانتم طيبين ورمضان كريم، أنا بس في رسالة أو كومنت عايز أقوله".
وأضاف مدكور: "في سيدة مصرية محترمة بتدعي لي بالشفاء وابنها عنده كانسر في العظام، وهي بتقول أن زي ما شريف بيتعالج على نفقة الدولة ابنها من حقه يتعالج على نفقة الدولة".
ونفى شريف أن يكون يتلقى العلاج على نفقة الدولة، مؤكدًا، أن وجوده في مستشفى حكومي لا يعني أنه يعالج على نفقة الدولة، وإنما المستشفى به قسم استثماري.
وتابع: "مفيش أي حاجة في حياتي على نفقة الدولة حتى البنزين اللي باحطه في عربيتي، باختار 95 عشان مفيش فيه أي دعم تقريبًا، وضرايبي بادفعها في ميعادها، مفيش أي حاجة باعملها بالمحسوبية أو الواسطة".
وعن زيارة وزيرة الصحة له، قال شريف: "وزيرة الصحة مجتش مخصوص، هي كانت في زيارة اعتيادية، وقالت أنا عايزة أسلم عليه، وكتر خيرها سلمت عليا وبس، أنا لا باتعالج على نفقة الدولة ولا الوزيرة جت لي مخصوص".
وأوضح أنه اختار هذا المستشفى لأن الطبيب المعالج له نصحه به؛ لأن فيه إمكانيات.
واختتم شريف رسالته بقوله: "هل بعد ما أطلع من المستشفى انشر الفاتورة للناس وأقول أنا دفعت كام؟" طالبًا بأن يرسل أحد الفيديو لهذه السيدة.

​