هل يوجد حل لموضوع الصلع الوراثى وكيف اعرف ان الصلع وراثى ام من عوامل خارجية؟

لصلع الوراثي ليه شكل معين إحنا بنشوفه ودا خاص بشكل الشعراية نفسها وفروة الرأس إما حضرتك لو عايز تعرف بشكل مبدئي دا صلع وراثي أو لأ ف هو بيبدأ في ال جانبين (يمين وشمال من الخط الامامي للشعر) مع منطقة منتصف الفروة والشعرية بتبقى أضعف من الشعر في المناطق الخلفية لفروة الرأس وطبعا أضعف من حالتها قبل بداية الصلع الوراثي...
الصلع الوراثي سببه حساسية عالية لمستقبلات الحسية المرتبة بالشعر في المكان دا لأحد هرمونات الذكورة وبالتالي العلاج إللي ممكن يقضي علي المرض دا تماما اننا نشيل المستقبلات الحسية دي تماما ودا مستحيل..... ف بيظهر مع التقدم العلمي كل فترة أنواع من العلاج طبعا للتغلب ع المشكلة دي .....
المينوكسيديل حتى الآن هو أكتر علاج موضعي مثبت كوسيلة بتحقق نتايج في حالات الصلع الوراثي لكنه بيستخدم ب كورس علاجي مش لوحدك ف البيت وإلا عواقبه وخيمة.... ثم ظهر بعديه بعض الأقراص إللي مادتها الفعالة اسمها الفيناسترايد ودي برضو لازم بكورس علاجي معين.....
نيجي لزراعة الشعر ودي نتايجها معروفة وحلوة جدا لكن لازم مكان يتاخد منه الشعر ودا بيبقى الحل ال بنقوله لما نلاقي آكتر من ٣٥٪ من بصيلات الشعر تم فقدانها وهو من الحلول الفعالة طبعا برضو لكن مشكلته إنه مش بيقضي على المستقبلات الحسية إللي بتسبب تساقط الشعر برضو وبالتالي هبقى محتاج أعتني بشعري بشكل شبه يومي للحفاظ على النتيجة من بدء التساقط من جديد.....